อหิตาย ทุกฺขาย ฯ เอสา ภิกฺขเว สามเณรี กสฺสปสฺส สมฺมาสมฺพุทฺธสฺส ปาวจเน ปาปสามเณรี อโหสิ สา ตสฺส กมฺมสฺส วิปาเกน พหูนิ วสฺสานิ พหูนิ วสฺสสตานิ พหูนิ วสฺสสหสฺสานิ พหูนิ วสฺสสตสหสฺสานิ นิรเย ปจิตฺถ ๑ ตสฺเสว กมฺมสฺส วิปากาวเสเสน เอวรูปํ อตฺตภาวปฏิลาภํ ปฏิสํเวทยตีติ ฯ เอกาทสมํ ฯ

ทุติยวคฺโค ทุติโย ฯ

ตสฺส อุทฺทานํ

กูเป นิมุคฺโค หิ โส ปรทาริโก

คูถขาทิ อหุ ทุฏฺฐพฺราหฺมโณ

นิจฺฉวิตฺถี อติจารินี อหุ

มงฺคุฬิตฺถี อหุ อิกฺขณิตฺถิกา ๒

โอกิลินี สปตึ กโรติ ๓

สีสจฺฉินฺโน อหุ โจรฆาตโก

ภิกฺขุ ภิกฺขุนี สิกฺขมานา

สามเณโร อถ สามเณริกา ๔

กสฺสปสฺส วินยสฺส ๕ ปพฺพชฺชํ ๖

ปาปกมฺมํ อกรึสุ ตาวเท ๗ ฯ

ลกฺขณสํยุตฺตํ สตฺตมํ สมตฺตํ ฯ

___________

#๑ ม. ปจิตฺวา ฯ ๒ ยุ. อิกฺขณิตฺถิ ยา ฯ ๓ ม. ยุ. สปตฺตงฺคาโรกิริ ฯ ๔ ยุ. #สามเณริโย ฯ ๕ ม. ยุ. วินยสฺมึ ฯ ๖ ยุ. ปพฺพชฺชุํ ฯ ๗ ม. ยุ. อิติสทฺโท อตฺถิ ฯ