นสวิตกฺกสวิจาโร ธมฺโม อุปฺปชฺชติ เหตุปจฺจยา: สตฺต ฯ
[๖๔] สวิตกฺกสวิจารญฺจ อวิตกฺกวิจารมตฺตญฺจ อวิตกฺกอวิจารญฺจ ธมฺมํ ปฏิจฺจ นสวิตกฺกสวิจาโร ธมฺโม อุปฺปชฺชติ เหตุปจฺจยา: สตฺต ฯ
[๖๕] เหตุยา เอกูนปญฺญาส อารมฺมเณ เอกูนปญฺญาส อวิคเต เอกูนปญฺญาส ฯ
สหชาตวารมฺปิ ปญฺหาวารมฺปิ วิตฺถาเรตพฺพํ ฯ
ปีติตฺติเกนปีติตฺติกํ
[๖๖] ปีติสหคตํ ธมฺมํ ปฏิจฺจ นปีติสหคโต ธมฺโม อุปฺปชฺชติ เหตุปจฺจยา: ปีติสหคตํ ธมฺมํ ปฏิจฺจ นสุขสหคโต ธมฺโม อุปฺปชฺชติ เหตุปจฺจยา: ปีติสหคตํ ธมฺมํ ปฏิจฺจ นอุเปกฺขาสหคโต ธมฺโม อุปฺปชฺชติ เหตุปจฺจยา: ปีติสหคตํ ธมฺมํ ปฏิจฺจ นปีติสหคโต จ นอุเปกฺขาสหคโต จ ธมฺมา อุปฺปชฺชนฺติ เหตุปจฺจยา: ปีติสหคตํ ธมฺมํ ปฏิจฺจ นสุขสหคโต จ นอุเปกฺขาสหคโต จ ธมฺมา อุปฺปชฺชนฺติ เหตุปจฺจยา: ปีติสหคตํ ธมฺมํ ปฏิจฺจ นปีติสหคโต จ นสุขสหคโต จ ธมฺมา อุปฺปชฺชนฺติ เหตุปจฺจยา: ปีติสหคตํ ธมฺมํ ปฏิจฺจ นปีติสหคโต จ นสุขสหคโต จ นอุเปกฺขาสหคโต จ ธมฺมา อุปฺปชฺชนฺติ เหตุปจฺจยา: สตฺต ฯ
[๖๗] สุขสหคตํ ธมฺมํ ปฏิจฺจ นสุขสหคโต ธมฺโม อุปฺปชฺชติ เหตุปจฺจยา: สตฺต ฯ