จีวรํ วา อญฺญํ วา ปริกฺขารํ อปนิเธติ วา อปนิธาเปติ วา อนฺตมโส หสฺสาเปกฺโขปิ อาปตฺติ ทุกฺกฏสฺส ฯ อนุปสมฺปนฺเน อุปสมฺปนฺนสญฺญี อาปตฺติ ทุกฺกฏสฺส ฯ อนุปสมฺปนฺเน เวมติโก อาปตฺติ ทุกฺกฏสฺส ฯ อนุปสมฺปนฺเน อนุปสมฺปนฺนสญฺญี อาปตฺติ ทุกฺกฏสฺส ฯ

[๖๓๐] อนาปตฺติ น หสฺสาธิปฺปาโย ทุนฺนิกฺขิตฺตํ ปฏิสาเมติ ธมฺมึ กถํ กตฺวา ทสฺสามีติ ปฏิสาเมติ อุมฺมตฺตกสฺส อาทิกมฺมิกสฺสาติ ฯ

ทสมสิกฺขาปทํ นิฏฺฐิตํ ฯ

สุราปานวคฺโค ฉฏฺโฐ ฯ

__________________

ตสฺสุทฺทานํ

สุรา องฺคุลิ หาโส จ ๑ อนาทริยญฺจ ภึสนา ๒

โชติ นฺหานทุพฺพณฺณํ สามํ อปนิเธน จาติ ฯ

__________________

# ๑ โตยญฺจ ฯ อิติปิ ปาโฐ ฯ ๒ ม. ภึสนํ ฯ