Chattiṁsadevarājūnaṁ, mahesittamakārayiṁ; Dasannaṁ cakkavattīnaṁ, mahesittamakārayiṁ; Saṁvejetvāna me cittaṁ, pabbajiṁ anagāriyaṁ. Kilesā jhāpitā mayhaṁ, bhavā sabbe samūhatā; Sabbāsavā parikkhīṇā, natthi dāni punabbhavo. Catunnavutito kappe, yaṁ pupphamabhipūjayiṁ; Duggatiṁ nābhijānāmi, pupphapūjāyidaṁ phalaṁ. Kilesā jhāpitā mayhaṁ, …pe… viharāmi anāsavā. Svāgataṁ vata me āsi, …pe… kataṁ buddhassa sāsanaṁ. Paṭisambhidā catasso, …pe… kataṁ buddhassa sāsanaṁ”. Itthaṁ sudaṁ naḷamālikā therī imā gāthāyo abhāsitthāti. Naḷamālikātheriyāpadānaṁ pañcamaṁ. Sumedhāvagga Ekapiṇḍapātadāyikātherīapadāna “Nagare bandhumatiyā, bandhumā nāma khattiyo; Tassa rañño ahuṁ bhariyā, ekajjhaṁ cārayāmahaṁ.