Nahetuṁ anāgatārammaṇaṁ dhammaṁ paṭicca nahetu anāgatārammaṇo dhammo uppajjati nahetupaccayā. Nahetuṁ anāgatārammaṇaṁ dhammaṁ paṭicca hetu anāgatārammaṇo dhammo uppajjati nahetupaccayā. Hetuṁ anāgatārammaṇaṁ dhammaṁ paṭicca hetu anāgatārammaṇo dhammo uppajjati naadhipatipaccayā. (Saṅkhittaṁ.) Nahetuyā dve, naadhipatiyā nava, napurejāte nava, napacchājāte nava, naāsevane nava, nakamme tīṇi, navipāke nava, namagge ekaṁ, navippayutte nava. (Saṅkhittaṁ.) Hetupaccayā naadhipatiyā nava. (Saṅkhittaṁ.) Nahetupaccayā ārammaṇe dve. (Saṅkhittaṁ.) (Sahajātavāropi paccayavāropi nissayavāropi saṁsaṭṭhavāropi sampayuttavāropi paṭiccavārasadisā vitthāretabbā.) Hetvādi Hetu anāgatārammaṇo dhammo hetussa anāgatārammaṇassa dhammassa hetupaccayena paccayo … tīṇi. Hetu anāgatārammaṇo dhammo hetussa anāgatārammaṇassa dhammassa ārammaṇapaccayena paccayo … nava. Hetu anāgatārammaṇo dhammo hetussa anāgatārammaṇassa dhammassa adhipatipaccayena paccayo—ārammaṇādhipati, sahajātādhipati … tīṇi. Nahetu anāgatārammaṇo dhammo nahetussa anāgatārammaṇassa dhammassa adhipatipaccayena paccayo—ārammaṇādhipati, sahajātādhipati … tīṇi.