Kilesaṁ dhammaṁ paṭicca nokileso dhammo uppajjati hetupaccayā. (Saṅkhittaṁ.) Hetuyā nava …pe… vipāke ekaṁ …pe… avigate nava. 14.26. Dassanenapahātabbaduka Dassanena pahātabbaṁ dhammaṁ paṭicca nadassanena pahātabbo dhammo uppajjati hetupaccayā. Dassanena pahātabbaṁ dhammaṁ paṭicca nanadassanena pahātabbo dhammo uppajjati hetupaccayā. Dassanena pahātabbaṁ dhammaṁ paṭicca nadassanena pahātabbo ca nanadassanena pahātabbo ca dhammā uppajjanti hetupaccayā. Nadassanena pahātabbaṁ dhammaṁ paṭicca nadassanena pahātabbo dhammo uppajjati hetupaccayā. Dassanena pahātabbañca nadassanena pahātabbañca dhammaṁ paṭicca nadassanena pahātabbo dhammo uppajjati hetupaccayā. (Saṅkhittaṁ.) Hetuyā pañca, ārammaṇe dve …pe… vipāke ekaṁ …pe… avigate pañca. 14.27. Bhāvanāyapahātabbaduka Bhāvanāya pahātabbaṁ dhammaṁ paṭicca nabhāvanāya pahātabbo dhammo uppajjati hetupaccayā. Bhāvanāya pahātabbaṁ dhammaṁ paṭicca nanabhāvanāya pahātabbo dhammo uppajjati hetupaccayā. Bhāvanāya pahātabbaṁ dhammaṁ paṭicca nabhāvanāya pahātabbo ca nanabhāvanāya pahātabbo ca dhammā uppajjanti hetupaccayā. Nabhāvanāya pahātabbaṁ dhammaṁ paṭicca nabhāvanāya pahātabbo dhammo uppajjati hetupaccayā. Bhāvanāya pahātabbañca nabhāvanāya pahātabbañca dhammaṁ paṭicca nabhāvanāya pahātabbo dhammo uppajjati hetupaccayā. Hetuyā pañca, ārammaṇe dve …pe… vipāke ekaṁ …pe… avigate pañca. 14.28. Dassanenapahātabbahetukaduka