ทสมํ โสวณฺณโกนฺตริกตฺเถราปทานํ ๑ (๔๓๐)

[๒๐] มโนภาวนิยํ พุทฺธํ อตฺตทนฺตํ สมาหิตํ

อิริยมานํ พฺรหฺมปเถ จิตฺตวูปสเม รตํ ฯ

นิติณฺณโอฆ สมฺพุทฺธํ ฌายึ ฌานรตํ มุนึ

อุปวิฏฺฐํ ๒ สมาปตฺตึ อินฺทฺริยสํวรปฺปหํ ๓ ฯ

อลาวุโนทกํ คยฺห พุทฺธเสฏฺฐํ อุปาคมึ

พุทฺธปาเท โธวิตฺวาน อลาวุกมทาสหํ ฯ

อาณาเปสิ จ สมฺพุทฺโธ ปทุมุตฺตรนามโก

อิมิโมทกมาหตฺวา ปาทมูเล ฐเปหิ เม ฯ

สาธูติหํ ปฏิสฺสุตฺวา สตฺถุ คารวตายว ๔

อุทกํ ลาวุนาหตฺวา พุทฺธเสฏฺฐํ อุปานยึ ๕ ฯ

อนุโมทิ มหาวีโร จิตฺตํ นิพฺพาปยํ มม

อิมินา ลาวุทาเนน สงฺกปฺโป เต สมิชฺฌตุ ฯ

ปณฺณรเส อิโต กปฺเป เทวโลเก รมึ อหํ

เตตฺตึสกฺขตฺตุํ ราชา จ จกฺกวตฺติ อโหสหํ ฯ

ทิวา วา ยทิวา รตฺตึ จงฺกมนฺตสฺส ติฏฺฐโต

โสวณฺณํ โกนฺตรํ คยฺห ติฏฺฐนฺติ ๖ ปุรโต มม ฯ

พุทฺธสฺส ทตฺวาน ลาวว ลภามิ โสณฺณโกนฺตรํ

อปฺปกํปิ กรํ การํ วิปุลํ โหติ ตาทิสุ ๗ #๑ ม. โสณฺณโกนฺตริกตฺ... ฯ ยุ. สุวณฺณกตฺตริกตฺ... ฯ ๒ ม. อุปติตฺถํ #สมาปนฺนํ ฯ ๓ ม. ยุ. อินฺทิวรทลปฺปภํ ฯ ๔ ม. ยุ. ... จ ฯ ๕ ม. อุปาคมึ ฯ #๖ ม. ติฏฺฐเต ฯ ยุ. ติฏฺฐติ ฯ ๗ ยุ. ตาทิสํ ฯ