สพฺพตฺถ กามราคานุสเยน จ ปฏิฆานุสเยน จ นิรนุสโย มานานุสเยน จ นิรนุสโย ฯ โย วา ปน ยโต มานานุสเยน นิรนุสโย โส ตโต กามราคานุสเยน จ ปฏิฆานุสเยน จ นิรนุสโยติ: ตโย ปุคฺคลา ทุกฺขาย เวทนาย เต ตโต มานานุสเยน จ กามราคานุสเยน จ นิรนุสยา โน จ เต ตโต ปฏิฆานุสเยน นิรนุสยา เตว ปุคฺคลา อปริยาปนฺเน เต ตโต มานานุสเยน จ นิรนุสยา กามราคานุสเยน จ ปฏิฆานุสเยน จ นิรนุสยา อรหา สพฺพตฺถ มานานุสเยน จ นิรนุสโย กามราคานุสเยน จ ปฏิฆานุสเยน จ นิรนุสโย ฯ โย ยโต กามราคานุสเยน จ ปฏิฆานุสเยน จ นิรนุสโย โส ตโต ทิฏฺฐานุสเยน ฯเปฯ วิจิกิจฺฉานุสเยน นิรนุสโยติ: ปุถุชฺชโน รูปธาตุยา อรูปธาตุยา โส ตโต กามราคานุสเยน จ ปฏิฆานุสเยน จ นิรนุสโย โน จ โส ตโต วิจิกิจฺฉานุสเยน นิรนุสโย โสว ปุคฺคโล อปริยาปนฺเน โส ตโต กามราคานุสเยน จ ปฏิฆานุสเยน จ นิรนุสโย วิจิกิจฺฉานุสเยน จ นิรนุสโย เทฺว ปุคฺคลา สพฺพตฺถ กามราคานุสเยน จ ปฏิฆานุสเยน จ นิรนุสยา วิจิกิจฺฉานุสเยน จ นิรนุสยา ฯ โย วา ปน ยโต วิจิกิจฺฉานุสเยน นิรนุสโย โส ตโต กามราคานุสเยน จ ปฏิฆานุสเยน จ นิรนุสโยติ: เทฺว ปุคฺคลา ทุกฺขาย เวทนาย เต ตโต วิจิกิจฺฉานุสเยน จ กามราคานุสเยน จ นิรนุสยา โน จ เต ตโต ปฏิฆานุสเยน นิรนุสยา เตว ปุคฺคลา กามธาตุยา ทฺวีสุ เวทนาสุ เต ตโต วิจิกิจฺฉานุสเยน จ ปฏิฆานุสเยน จ นิรนุสยา
