ปริชานาติ ตโต อวิชฺชานุสยํ ปริชานาตีติ: อามนฺตา ฯ ยโต วา ปน อวิชฺชานุสยํ ปริชานาติ ตโต มานานุสยํ ปริชานาตีติ: ทุกฺขาย เวทนาย ตโต อวิชฺชานุสยํ ปริชานาติ โน จ ตโต มานานุสยํ ปริชานาติ กามธาตุยา ทฺวีสุ เวทนาสุ รูปธาตุยา อรูปธาตุยา ตโต อวิชฺชานุสยญฺจ ปริชานาติ มานานุสยญฺจ ปริชานาติ ฯ
[๑๔๓๔] ยโต ทิฏฺฐานุสยํ ปริชานาติ ตโต วิจิกิจฺฉานุสยํ ปริชานาตีติ: อามนฺตา ฯ ยโต วา ปน วิจิกิจฺฉานุสยํ ปริชานาติ ตโต ทิฏฺฐานุสยํ ปริชานาตีติ: อามนฺตา ฯเปฯ
[๑๔๓๕] ยโต วิจิกิจฺฉานุสยํ ปริชานาติ ตโต ภวราคานุสยํ ปริชานาตีติ: กามธาตุยา ตีสุ เวทนาสุ ตโต วิจิกิจฺฉานุสยํ ปริชานาติ โน จ ตโต ภวราคานุสยํ ปริชานาติ รูปธาตุยา อรูปธาตุยา ตโต วิจิกิจฺฉานุสยญฺจ ปริชานาติ ภวราคานุสยญฺจ ปริชานาติ ฯ ยโต วา ปน ภวราคานุสยํ ปริชานาติ ตโต วิจิกิจฺฉานุสยํ ปริชานาตีติ: อามนฺตา ฯ ยโต วิจิกิจฺฉานุสยํ ปริชานาติ ตโต อวิชฺชานุสยํ ปริชานาตีติ: อามนฺตา ฯ ยโต วา ปน อวิชฺชานุสยํ ปริชานาติ ตโต วิจิกิจฺฉานุสยํ ปริชานาตีติ: อามนฺตา ฯ
[๑๔๓๖] ยโต ภวราคานุสยํ ปริชานาติ ตโต อวิชฺชานุสยํ ปริชานาตีติ: อามนฺตา ฯ ยโต วา ปน อวิชฺชานุสยํ ปริชานาติ ตโต ภวราคานุสยํ ปริชานาตีติ: กามธาตุยา ตีสุ เวทนาสุ ตโต อวิชฺชานุสยํ ปริชานาติ โน จ ตโต ภวราคานุสยํ ปริชานาติ