Rūpadhātuyā arūpadhātuyā tato avijjānusayañca mānānusayañca diṭṭhānusayañca vicikicchānusayañca bhavarāgānusayañca pajahati, no ca tato kāmarāgānusayañca paṭighānusayañca pajahati. Kāmadhātuyā dvīsu vedanāsu tato avijjānusayañca kāmarāgānusayañca mānānusayañca diṭṭhānusayañca vicikicchānusayañca pajahati, no ca tato paṭighānusayañca bhavarāgānusayañca pajahati. Dukkhāya vedanāya tato avijjānusayañca paṭighānusayañca diṭṭhānusayañca vicikicchānusayañca pajahati, no ca tato kāmarāgānusayañca mānānusayañca bhavarāgānusayañca pajahati. (Chakkamūlakaṁ.) 7.2.3.3. Anulomapuggalokāsa Yo yato kāmarāgānusayaṁ pajahati so tato paṭighānusayaṁ pajahatīti? No. Yo vā pana yato paṭighānusayaṁ pajahati so tato kāmarāgānusayaṁ pajahatīti? No. Yo yato kāmarāgānusayaṁ pajahati so tato mānānusayaṁ pajahatīti? Tadekaṭṭhaṁ pajahati. Yo vā pana yato mānānusayaṁ pajahati so tato kāmarāgānusayaṁ pajahatīti? No. Yo yato kāmarāgānusayaṁ pajahati so tato diṭṭhānusayaṁ …pe… vicikicchānusayaṁ pajahatīti? No. Yo vā pana yato vicikicchānusayaṁ pajahati so tato kāmarāgānusayaṁ pajahatīti? Aṭṭhamako dukkhāya vedanāya rūpadhātuyā arūpadhātuyā so tato vicikicchānusayaṁ pajahati, no ca so tato kāmarāgānusayaṁ pajahati. Sveva puggalo kāmadhātuyā dvīsu vedanāsu so tato vicikicchānusayaṁ pajahati kāmarāgānusayaṁ tadekaṭṭhaṁ pajahati. Yo yato kāmarāgānusayaṁ pajahati so tato bhavarāgānusayaṁ pajahatīti? No. Yo vā pana yato bhavarāgānusayaṁ pajahati so tato kāmarāgānusayaṁ pajahatīti? No. Yo yato kāmarāgānusayaṁ pajahati so tato avijjānusayaṁ pajahatīti? Tadekaṭṭhaṁ pajahati.