Dukkhāya vedanāya tato mānānusayaṁ nappajahati, no ca tato vicikicchānusayaṁ nappajahati. Apariyāpanne tato mānānusayañca nappajahati vicikicchānusayañca nappajahati. Yato vā pana vicikicchānusayaṁ nappajahati tato mānānusayaṁ nappajahatīti? Āmantā. Yato mānānusayaṁ nappajahati tato bhavarāgānusayaṁ nappajahatīti? Āmantā. Yato vā pana bhavarāgānusayaṁ nappajahati tato mānānusayaṁ nappajahatīti? Kāmadhātuyā dvīsu vedanāsu tato bhavarāgānusayaṁ nappajahati, no ca tato mānānusayaṁ nappajahati. Dukkhāya vedanāya apariyāpanne tato bhavarāgānusayañca nappajahati mānānusayañca nappajahati. Yato mānānusayaṁ nappajahati tato avijjānusayaṁ nappajahatīti? Dukkhāya vedanāya tato mānānusayaṁ nappajahati, no ca tato avijjānusayaṁ nappajahati. Apariyāpanne tato mānānusayañca nappajahati avijjānusayañca nappajahati. Yato vā pana avijjānusayaṁ nappajahati tato mānānusayaṁ nappajahatīti? Āmantā. Yato diṭṭhānusayaṁ nappajahati tato vicikicchānusayaṁ nappajahatīti? Āmantā. Yato vā pana vicikicchānusayaṁ nappajahati tato diṭṭhānusayaṁ nappajahatīti? Āmantā. Yato vicikicchānusayaṁ nappajahati tato bhavarāgānusayaṁ nappajahatīti? Āmantā. Yato vā pana bhavarāgānusayaṁ nappajahati tato vicikicchānusayaṁ nappajahatīti?