Cittasahabhū dhammo cittasahabhussa dhammassa kammapaccayena paccayo— sahajātā, nānākkhaṇikā. <b>Sahajātā</b>—cittasahabhū cetanā sampayuttakānaṁ khandhānaṁ cittasahabhūnaṁ cittasamuṭṭhānānañca rūpānaṁ kammapaccayena paccayo; paṭisandhikkhaṇe …pe…. <b>Nānākkhaṇikā</b>—cittasahabhū cetanā vipākānaṁ cittasahabhūnaṁ khandhānaṁ kammapaccayena paccayo. Cittasahabhū dhammo nocittasahabhussa dhammassa kammapaccayena paccayo— sahajātā, nānākkhaṇikā. <b>Sahajātā</b>—cittasahabhū cetanā cittassa nocittasahabhūnaṁ cittasamuṭṭhānānañca rūpānaṁ kammapaccayena paccayo; paṭisandhikkhaṇe …pe…. <b>Nānākkhaṇikā</b>—cittasahabhū cetanā vipākassa cittassa kaṭattā ca rūpānaṁ kammapaccayena paccayo. Cittasahabhū dhammo cittasahabhussa ca nocittasahabhussa ca dhammassa kammapaccayena paccayo—sahajātā, nānākkhaṇikā. <b>Sahajātā</b>—cittasahabhū cetanā sampayuttakānaṁ khandhānaṁ cittassa ca cittasahabhūnañca nocittasahabhūnañca cittasamuṭṭhānānañca rūpānaṁ kammapaccayena paccayo; paṭisandhikkhaṇe …pe…. <b>Nānākkhaṇikā</b>—cittasahabhū cetanā vipākānaṁ khandhānaṁ cittassa kaṭattā ca rūpānaṁ kammapaccayena paccayo. Vipākādi