Anariyakammamokkantaṁ, athetaṁ sabbaghātinaṁ; Nisitaṁva paṭicchannaṁ, tādisampi ca nāsmase. Mittarūpenidhekacce, sākhalyena acetasā; Vividhehi upāyanti, tādisampi ca nāsmase. Āmisaṁ vā dhanaṁ vāpi, yattha passati tādiso; Dubbhiṁ karoti dummedho, tañca hantvāna gacchati”. “Mittarūpena bahavo, channā sevanti sattavo; Jahe kāpurise hete, kukkuṭo viya senakaṁ. Yo ca uppatitaṁ atthaṁ, na khippamanubujjhati; Amittavasamanveti, pacchā ca anutappati. Yo ca uppatitaṁ atthaṁ, khippameva nibodhati; Muccate sattusambādhā, kukkuṭo viya senakā. Taṁ tādisaṁ kūṭamivoḍḍitaṁ vane, Adhammikaṁ niccavidhaṁsakārinaṁ; Ārā vivajjeyya naro vicakkhaṇo, Senaṁ yathā kukkuṭo vaṁsakānane”ti. Kukkuṭajātakaṁ dasamaṁ. Dasakanipāta Catudvāravagga

11. Maṭṭhakuṇḍalījātaka