ขุททกนิกาย ชาดก ภาค ๑
บาลีโรมัน (มหาสังคีติ) · เล่ม ๒๗ · หน้า ๕๖๓
เข้าสู่ระบบเพื่อคั่นหน้า

Dulladdhaṁ me āsi, Sutasoma yassa te ahaṁ bhariyā; Yaṁ me kucchipaṭisandhiṁ, Anapekkho pabbajasi deva. Paripakko me gabbho, Kucchigato yāva naṁ vijāyāmi; Māhaṁ ekā vidhavā, Pacchā dukkhāni addakkhiṁ”. “Paripakko te gabbho, Kucchigato iṅgha tvaṁ vijāyassu; Puttaṁ anomavaṇṇaṁ, Taṁ hitvā pabbajissāmi”. “Mā tvaṁ cande rudi, Mā soci vanatimiramattakkhi; Āroha varapāsādaṁ, Anapekkho ahaṁ gamissāmi”. “Ko taṁ amma kopesi, Kiṁ rodasi pekkhasi ca maṁ bāḷhaṁ; Kaṁ avajjhaṁ ghātemi, Ñātīnaṁ udikkhamānānaṁ”.

เข้าสู่ระบบเพื่อรับ ๒๐ แต้มบุญจากการอ่านหน้านี้