“Daḷhaṁ daḷhassa khipati, balliko mudunā muduṁ; Sādhumpi sādhunā jeti, asādhumpi asādhunā; Etādiso ayaṁ rājā, maggā uyyāhi sārathi”. “Akkodhena jine kodhaṁ, asādhuṁ sādhunā jine; Jine kadariyaṁ dānena, saccenālikavādinaṁ; Etādiso ayaṁ rājā, maggā uyyāhi sārathī”ti. Rājovādajātakaṁ paṭhamaṁ. Dukanipāta Daḷhavagga
2. Siṅgālajātaka
“Asamekkhitakammantaṁ, turitābhinipātinaṁ; Sāni kammāni tappenti, uṇhaṁvajjhohitaṁ mukhe”. “Sīho ca sīhanādena, daddaraṁ abhinādayi; Sutvā sīhassa nigghosaṁ, siṅgālo daddare vasaṁ; Bhīto santāsamāpādi, hadayañcassa apphalī”ti. Siṅgālajātakaṁ dutiyaṁ. Dukanipāta Daḷhavagga
3. Sūkarajātaka