ขุททกนิกาย ชาดก ภาค ๑
บาลีโรมัน (มหาสังคีติ) · เล่ม ๒๗ · หน้า ๒๘
เข้าสู่ระบบเพื่อคั่นหน้า

“Āyatiṁ dosaṁ nāññāya, yo kāme paṭisevati; Vipākante hananti naṁ, kiṁpakkamiva bhakkhitan”ti. Kiṁpakkajātakaṁ pañcamaṁ. Ekakanipāta Apāyimhavagga

6. Sīlavīmaṁsakajātaka

“Sīlaṁ kireva kalyāṇaṁ, sīlaṁ loke anuttaraṁ; Passa ghoraviso nāgo, sīlavāti na haññatī”ti. Sīlavīmaṁsakajātakaṁ chaṭṭhaṁ. Ekakanipāta Apāyimhavagga

7. Maṅgalajātaka

“Yassa maṅgalā samūhatāse, Uppātā supinā ca lakkhaṇā ca; So maṅgaladosavītivatto, Yugayogādhigato na jātumetī”ti. Maṅgalajātakaṁ sattamaṁ. Ekakanipāta Apāyimhavagga

8. Sārambhajātaka

“Kalyāṇimeva muñceyya, na hi muñceyya pāpikaṁ; Mokkho kalyāṇiyā sādhu, mutvā tappati pāpikan”ti. Sārambhajātakaṁ aṭṭhamaṁ. Ekakanipāta Apāyimhavagga

9. Kuhakajātaka

เข้าสู่ระบบเพื่อรับ ๒๐ แต้มบุญจากการอ่านหน้านี้